білім беруді дамытудың мемлекеттік бағдарламалары, білім алушыларды оқыту және тәрбиелеу мәселелері бойынша өзге де нормативтік құқықтық актілер;


      педагогикалық этиканың нормалары;


      оқу пәнінің мазмұны, оқу-тәрбие процесі, оқыту және бағалау әдістемесі;


      педагогика және психология, әлеуметтану негіздері, қазіргі педагогикалық ғылым мен практиканың жетістіктері;


      басқарудың инновациялық әдістері;


      экономика негіздері, еңбек заңнамасы, еңбек қауіпсіздігі және еңбекті қорғау, өртке қарсы қорғау қағидалары.


      экономика негіздері, еңбек заңнамасы, қауіпсіздік техникасы және еңбекті қорғау, өртке қарсы қорғау қағидалары.


      220. Біліктілікке қойылатын талаптар:


      жоғары және (немесе) жоғары оқу орнынан кейінгі педагогикалық білім, білім беру ұйымында кемінде бір жыл жұмыс өтілі;


      және (немесе) біліктілігінің жоғары деңгейі болған кезде білім беру ұйымдарындағы жұмыс өтілі: педагог-модератор үшін-кемінде 2 жыл, педагог – сарапшы үшін-кемінде 3 жыл, педагог-зерттеуші үшін – кемінде 4 жыл, педагог-шебер үшін- кемінде 5 жыл.

---

6-параграф. Біліктілікті арттыру институтының (филиалының) аға оқытушысы


      221. Лауазымдық міндеттері:


      оқу және оқу-әдістемелік жұмысты ұйымдастырады және өткізеді;


      кафедраның, білім беру ұйымының ғылыми-зерттеу жұмысының бір бағыты бойынша қатысады;


      оқу жұмысының барлық түрлерін жүргізеді;


      оқытылатын пәндер бойынша оқу бағдарламаларын, оқу-тақырыптық жоспарларын әзірлейді;


      оқытылатын пәнді немесе оқу сабақтары мен оқу жұмысының жекелеген түрлерін әдістемелік қамтамасыз етуді жинақтайды және әзірлейді;


      тыңдаушылардың, педагогтардың ғылыми-зерттеу жұмыстарына қатысады;


      тыңдаушылардың, педагогтардың сабақ беретін пәні немесе оқу сабақтарының және оқу жұмысының жекелеген түрлері бойынша өзіндік жұмысын басқарады;


      біліктілікті арттыруда әдістемелік сүйемелдейді;


      кафедраның, институттың, білім беру ұйымының ғылыми-әдістемелік жұмысына қатысады;


      тыңдаушылардың, педагогтердің оқу сабақтарын өткізу, зертханалық жұмыстарды және практикалық сабақтарды орындау кезінде еңбек қауіпсіздігі және еңбекті қорғау, өрт қауіпсіздігі қағидаларын сақтауын бақылайды;


      кафедраның оқулықтарын, оқу және оқу-әдістемелік құралдарын, әзірлемелерін, жұмыс бағдарламаларын және оқу-әдістемелік жұмысының басқа да түрлерін дайындауға қатысады;


      жеке жоспардың орындалуы туралы есепті дайындайды және ұсынады;


      ақпараттық-коммуникациялық технологияларды қолданады;


      еңбек қауіпсіздігі және еңбекті қорғау, өртке қарсы қорғау жөніндегі қағидаларды сақтайды.


      222. Білуге тиіс:


      Қазақстан Республикасының Конституциясы, Қазақстан Республикасының "Білім туралы", "Педагог мәртебесі туралы", "Ғылым туралы", "Сыбайлас жемқорлыққа қарсы іс-қимыл туралы", "Қазақстан Республикасындағы тіл туралы" Заңдары және біліктілікті арттыру жүйесінің жұмыс істеуі мен дамуы мәселелерін реттейтін өзге де нормативтік құқықтық актілер, білім беру жүйелерін басқару теориясы мен әдістері;


      оқу жоспарларын жасау тәртібі;


      оқу жұмысы, педагогика, физиология, психология, андрогогика, Кәсіптік оқыту әдістемесі бойынша құжаттаманы жүргізу қағидалары;

---

      педагогикалық этиканың нормалары;


      оқыту мен тәрбиелеудің заманауи формалары мен әдістері;


      ақпараттық-коммуникациялық технологиялар;


      еңбек заңнамасының негіздері, ішкі еңбек тәртібінің қағидалары;


      еңбек қауіпсіздігі және еңбекті қорғау, өртке қарсы қорғау қағидалары.


      223. Біліктілікке қойылатын талаптар:


      тиісті бейін бойынша жоғары және (немесе) жоғары оқу орнынан кейінгі педагогикалық білім немесе өзге де кәсіптік білім, педагогикалық жұмыс өтілі кемінде 3 жыл;


      және (немесе) біліктілігінің жоғары деңгейі болған кезде білім беру ұйымдарындағы жұмыс өтілі: педагог-модератор үшін-кемінде 2 жыл, педагог – сарапшы үшін-кемінде 3 жыл, педагог-зерттеуші үшін – кемінде 4 жыл, педагог-шебер үшін-5 жыл.


      224. Кәсіби құзыреттілікті айқындай отырып, біліктілікке қойылатын талаптар:


      1) "педагог":


      білім алушылардың психологиялық-жас ерекшеліктерін ескере отырып, оқу-тәрбие процесін жоспарлауға және ұйымдастыруға тиіс;


      білім алушының жалпы мәдениетін қалыптастыруға және оны әлеуметтендіруге ықпал ету;


      білім беру ұйымы деңгейіндегі іс-шараларға қатысу;


      білім алушылардың қажеттіліктерін ескере отырып, тәрбиелеу мен оқытуда жеке тәсілді жүзеге асыру;


      кәсіби-педагогикалық диалог дағдыларын пайдалану;


      цифрлық білім беру ресурстарын қолдану;


      2) "педагог-модератор":


      "педагог" біліктілігіне қойылатын жалпы талаптарға, сондай-ақ:


      оқытудың инновациялық формаларын, әдістері мен құралдарын қолдану;


      білім беру ұйымы деңгейінде тәжірибені жинақтау;


      білім беру ұйымы деңгейінде олимпиадаларға, конкурстарға, жарыстарға қатысушылардың болуы;


      3) "педагог-сарапшы":


      "педагог-модератор" біліктілігіне қойылатын жалпы талаптарға, сондай-ақ:


      ұйымдастырылған оқу қызметін талдау дағдыларын пайдалану;


      тәлімгерлікті жүзеге асыру және білім беру ұйымы деңгейінде өзінің және әріптестерінің кәсіби даму басымдықтарын айқындау;

---

      аудан/қала деңгейінде тәжірибені жинақтау;


      аудан/қала деңгейінде олимпиадаларға, конкурстарға, жарыстарға қатысушылардың болуы;


      4) "педагог-зерттеуші":


      "педагог-сарапшы" біліктілігіне қойылатын жалпы талаптарға, сондай-ақ:


      сабақты зерттеу және бағалау құралдарын әзірлеу дағдыларын пайдалану,


      білім алушылардың зерттеу дағдыларын дамытуды қамтамасыз ету;


      аудан, қала деңгейінде педагогикалық қоғамдастықта тәлімгерлікті жүзеге асыру және даму стратегиясын айқындау,


      облыс/республикалық маңызы бар қалалар және астана, республика деңгейінде тәжірибені жинақтау (республикалық ведомстволық бағынысты ұйымдар үшін);


      облыс/республикалық маңызы бар қалалар және астана, республика деңгейінде олимпиадаларға, конкурстарға, жарыстарға қатысушылардың болуы (республикалық ведомстволық бағынысты ұйымдар үшін);


      5) "педагог-шебер":


      "педагог-зерттеуші" біліктілігіне қойылатын жалпы талаптарға, сондай-ақ:


      облыстық оқу-әдістемелік кеңесте және РОӘК-де мақұлданған, авторлық бағдарламасының немесе басып шығарылған оқулықтардың, оқу-әдістемелік құралдардың авторы (тең авторы) болуы;


      ғылыми жобалау дағдыларын дамытуды қамтамасыз етеді;


      тәлімгерлікті жүзеге асырады және облыс деңгейінде кәсіби қоғамдастық желісін дамытуды жоспарлайды.;


      республикалық және халықаралық конкурстар мен олимпиадалардың қатысушысы болу немесе республикалық және халықаралық конкурстар мен олимпиадалардың қатысушыларын дайындау.

7-параграф. Біліктілікті арттыру институтының (филиалының) бөлім басшысы


      225. Лауазымдық міндеттері:


      бөлімнің қызметін нормативтік, құқықтық актілерге және біліктілікті арттыру институты туралы ережеге сәйкес басқарады;


      бөлімнің даму стратегиясын әзірлейді;


      бөлімнің жұмыс жоспарын және бөлім мамандарының жеке жұмыс жоспарын бекітеді;


      бөлім мамандарының арасында функционалдық міндеттерді бөлуді жүзеге асырады, олардың уақытылы және сапалы орындалуын бақылайды.

---

      бөлім қызметінің нәтижелерін талдайды;


      бөлім мамандарының кәсіби құзыреттілігін арттыруға ықпал етеді;


      компьютерлік сауаттылықты, ақпараттық-коммуникациялық технологияларды қолданады;


      ішкі тәртіп ережелерін сақтайды және бөлім жұмысын реттейтін құжаттардың орындалуын қамтамасыз етеді;


      бөлімнің құжаттамасы мен есептілігінің барлық түрлерін жасауды және сақтауды қамтамасыз етеді;


      институттың іс-шараларына қатысады, бөлім қызметінің барлық түрлерін жоспарлауды және талдауды жүзеге асырады;


      бөлімнің қызметі туралы есептілікті, ақпаратты дайындауды және ұсынуды қамтамасыз етеді.


      226. Білуге тиіс:


      Қазақстан Республикасының Конституциясы, Қазақстан Республикасының Еңбек кодексі, Қазақстан Республикасының "Білім туралы", "Педагог мәртебесі туралы", "Қазақстан Республикасындағы Баланың құқықтары туралы", "Сыбайлас жемқорлыққа қарсы іс-қимыл туралы", "Қазақстан Республикасындағы тілдер туралы" Заңдары және білім беру ұйымдары қызметінің мәселелері жөніндегі өзге де нормативтік құқықтық актілер;


      педагогика және психология негіздері, басқарудың инновациялық әдістері;


      баспалармен жұмыс істеу негіздері;


      оқу-бағдарламалық құжаттаманы әзірлеу тәртібі;


      пән бойынша жаңа және балама оқулықтардың мазмұны;


      инновациялық жұмыс тәжірибесін, ғылыми-зерттеу және эксперименттік жұмысты жалпылау және тарату әдістемесі;


      педагогикалық этиканың нормалары;


      компьютерлік сауаттылық, ақпараттық-коммуникациялық технологиялар;


      еңбек қауіпсіздігі және еңбекті қорғау, өрт қауіпсіздігі ережелері, санитариялық қағидалар мен нормалар.


      227. Біліктілікке қойылатын талаптар:


      тиісті бейін бойынша жоғары және (немесе) жоғары оқу орнынан кейінгі педагогикалық білім немесе өзге де кәсіптік білім немесе педагогикалық қайта даярлауды растайтын құжат, педагогикалық жұмыс өтілі кемінде 2 жыл.

8-тарау. Әдістемелік орталықтар (кабинеттер)

1-параграф. Әдістемелік (оқу-әдістемелік, ғылыми-әдістемелік) орталықтың (кабинеттің) басшысы (директоры, меңгерушісі)

---

Смотрите также файлы

• 8. Демография наука о воспроизводстве населения и закономерностях его формирования.docx

• А) инклюзия б) интеракция в) индивидуализация Инклюзивное образование, согласно фз Об образовании в рф (от 29. 12. 2012 г. 273фз), это а) создание оптимальных условий для социализации для детей с овз и инвалидностью.docx

• План урока 5.docx

• Совершенствование воспитательной системы общеобразовательного учреждения с углубленным изучением предметов художественноэстетического профиля.pptx

• Рассматривается вопрос о строительстве поликлиники. Существуют три возможных варианта строительства А, В, С.docx