Пән: Матемтиканы оқыту әдістемесі Күні: Топ: Бөлім: Математиканың бастауыш курсын пән ретінде оқыту Қатысқандар саны: Қатыспағандар саны:
	Сабақ тақырыбы		Жүз көлеміндегі, мың көлеміндегі сандарды оқыту
	Сабақ мақсаттары		100, 1000 көлеміндегі сандардың нөмірленуі туралы білім, білік, дағдылары қалыптасады. Оқыту әдістемесін үйренеді.
	Бағалау критерийлері		1. 100, 1000 көлеміндегі сандардың нөмірленуін оқытудың міндеттерін біледі; 2. Қолданылатын көрнекіліктерді біледі, жасай алады; 3. 100, 1000 көлеміндегі сандардың нөмірленуін оқытудың әдістемесін біледі; 4. 1-2 сынып оқулықтарымен жұмыс жасай алады.
	Тілдік мақсаттар		Разряд, бірлік, ондық, жүздік, абак, кеспе цифр
	Құндылықтарды дарыту		Топтық жұмыс барысында өзара жауапкершілік, сыйластық, өзара түсіністік құндылықтары қалыптасады.
	Пәнаралық байланыстар		Педагогика
	АКТ қолдану дағдылары		Презентацияны қолдану
	Бастапқы білім		Білім алушылар мемлекеттік стандарт, оқу бағдарламасы ұғымдары
	Сабақ барысы
Сабақтың жоспарланған кезеңдері		Сабақтағы жоспарланған іс-әрекет		Ресурстар
Сабақтың басы 3 мин 5 мин		І. Амандасу. Кезекші мәліметімен танысу, журналға белгі соғу. ІІ. «Өзіме тілек» әдісі. Түрлі-түсті стикерлерге білім алушы өзіне тілек жазып, ұшақ жасап, басқа білім алушыға ұшыру арқылы сол білім алушыға тілегін тілейді. ІІІ. «1 минут» әдісі. Тапсырма: Әр білім алушыға жеке тақырып беріледі. Сол бойынша бір минут әңгіме құрау керек. Бағалау критерийі: Айтылған ойдың байланысы; Құрмалас сөйлем болуы. Айтылым, тыңдалым дағдысы дамиды. «Жұдырық» арқылы бағалау. Сұрақтар: Қарапайым түсініктер ұғымы Он көлеміндегі сандар Жаңартылған білім беру бағдарламасының ерекшеліктері Бастауыш сыныпта математика пәнінің мазмұны		Интерактивті тақта, өрнектер жазылған таратпа материалдар
Сабақтың ортасы 20 мин 5 мин 7 мин 40 мин		IV. Жаңа тақырыпты түсіндіру. 100 көлеміндегі сандар 1-2 сыныпта оқылады, 1-сыныпта толық ондықтар, жүз, ал 2-сыныпта екі таңбалы сандарды оқуға, жазуға, салыстыруға үйренеді. Тақырыптың міндеттері: Оқушылардың жаңа есептеу бірлігі – ондықпен таныстыру; Натурал сан ұғымымен таныстыру, 10 бірлік – 1 ондық құрайтынын меңгерту; Толық ондықтар қатарымен және оларға 10-ды қосу және азайту тәсілдерімен таныстыру; Екі таңбалы сандарды оқуға, жазуға, салыстыруға үйрету; 100 санын жазуға үйрету; 100 көлеміндегі ең кіші, ең үлкен санды анықтауға үйрету; Сан мен цифр арасындағы айырмашылықты меңгерту, цифрдың орындық мәні; Нумерациялау негізінде 2 таңбалы сандарды қосу, азайту біліктерін қалыптастыру; Шама тақырыбын нөмірлеу тақырыбымен байланыстырып қарастыру. М: 1м = 10 дм = 100 см. 100 бірлік = 10 ондық = 1 жүздік. Қолданылатын көрнекіліктер: Жеке (10) таяқша және он-оннан буылған таяқшалар; Абак (Ондық. Бірлік); Кеспе цифрлар, 2 таңбалы сандар жазылған топшамалар. «Жүздік» тақырыбында: оқушылар жаңа санау бірлігі – ондықпен және санау жүйесінің ең маңызды ұғымы – разряд ұғымымен танысады; ауызша және жазбаша нөмірлеудің негізін құрайтын екі таңбалы сандардың жасалу, оқылу, жазылу принциптері, сондай – ақ оларды салыстыру қарастырылады. Бұл тақырыпты оқытудың негізгі нәтижесі ретінде: 100-ге дейін санауды, сандарды оқуды, жазуды және толық ондықтармен санауды үйренуді; разряд, разрядтық сандардың қосындысы: бір таңбалы, екі таңбалы сан; бірлік, ондық терминдерін игеруді атауға болады. Мұнда алдымен 10 көлеміндегі сандарды қайталай отырып, жекелеген бірліктерден ондық құралып, толық ондықтармен санайды, яғни 10 бірлік – ондық. Шыбықтарды он-оннан санай отырып, бума жасалады, яғни он бірлік, бір ондық құрайтынын көрсеткеннен кейін, 11-ден 100-ге дейінгі сандардың ондықтар мен бірліктерден құралатыны көрсетіледі. Мысалы: Санағанда 9-дан кейінгі санды ата. Оны қалай табуға болады? Кейінгі сан алдыңғы санға бірді қосқанда немесе алдыңғы сан келесі саннан бірді азайтқанда шығатынын қайталап, көрнекілік арқылы көрсету керек. 9-ға бірді қосқанда 10 шығады. 10 шыбықтан бір бума жасайды, демек 10 бірлік 1 ондық құрайды. 10-нан кейінгі санды шығарып ал. 10 және 1, 1 ондық 1 бірлік немесе он бір, әрі қарата шыбықтарды қосу арқылы 1 ондық және 2 бірлік, 10 және 2 немесе 12 және т.б. сандарды шығарып алуға болады. Әрі қарата разрядтық кестені пайдаланып, зат-сан цифр арасындағы байланысты ескеріп, сәйкестендіру арқылы 100-ге дейінгі сандарды құрылуы, оқылуы, жазылуы көрсетіледі. 1000 көлеміндегі сандар Тақырыпты оқыту міндеттері: Оқушыларды жаңа есептеу бірлігі – жүздікпен таныстыру. ІІІ разрядтық бірлігі ұғымын енгізу. 10-дық санау жүйесінің құрылу принципін меңгерту (1 жүзд. = 10 онд.= 100 бірл.) Үш таңбалы сандарды оқуға, жазуға, салыстыруға үйрету. Үш таңбалы сандар көлемінде цифрлардың орындық мәнін бекіту. Үш таңбалы сандарды нөмірлеу негізінде қосу және азайту біліктерін қалыптастыру. 810-1, 609+1, 500-1, 4онд.+6онд., 5жүзд.+5жүзд. Т.б. Үш таңбалы сандарды шамаларды өрнектеуге қолдануға үйрету. 1м=10дм = 100 см, 1000 м = 1 км. Қолданылатын көрнекіліктер: кластар кестесі, кеспе цифрлар, есепшот, санды талдау сызбасы және т.б. Ойын «Мен қандай сан ойладым?» Шарты: шеңбер бойымен біріңе бірі төмендегідей сұрақтар қойыңдар. 5 ондық 8 бірлік; 4 жүздік 2 ондық, 6 бірлік т.б. Математикалық диктант 23, 361 сандарының құрамын анықта Қандай сан 5 ондық және 7 бірліктен тұрады? 6 жүздіктен 5 ондықтан 4 бірліктен тұратын санды жаз. Бірінші разрядтың 6 бірлігінен және екінші разрядтың 6 бірлігінен тұратын санды ата. 62, 26, 37, 72, 66, 40 және т.б. сандардың жазылуында әрбір цифр нені білдіреді? 35, 47, 88, 99 сандарының көршілерін ата және олардың разрядтық құрамын ата. 997 саны барлығы неше бірліктен және ондықтан тұрады? Бұл сандарды разрядтық қосылғыштар қосындысына жікте. Жұптық жұмыс. Оқулықтан 100, 1000 көлеміндегі сандардың нөмірленуіне берілген оқу мақсатын тауып, ҚМЖ жазу.		Интерактивті тақта, презентация, кесте «Математика» пәнінің оқу бағдарламасы, оқу жоспары, Математика оқулығы, ҚМЖ үлгісі
Сабақтың соңы 5 мин		Рефлексия. «Қол белгісі» Ұйымдастыру: ұжыммен жұмыс. Мақсаты: оқушылардың рефлексиялық қабілетін дамыту Сипаттамасы: Мұғалім оқушылардан тақырыпты түсінгендігін немесе түсінбегендігін қол белгілері арқылы арқылы көрсетуді сұрайды. «Мен түсініп отырмын  және түсіндіре аламын» дегендер қолдын бас бармағын жоғары бағыттайды. «Мен әлі түсінбей отырмын» дегендер қолдын бас бармағын жанына қарай жантайтады. «Мен түсінгеніме сенімді емеспін» дегендер қолды бұлғайды.

---

---

Смотрите также файлы

• Реферат теоретическое осмысление рыночной экономики в рамках меркантилизма.rtf

• Единый государственный реестр.doc

• Жена с 1239 г дочь кн. Полоцкого Брячислава, кн. Александра.rtf

• Гайд по reels от Навруза.pptx

• Практикум по теме Деньги Когда и почему появились первые деньги Назовите основные предпосылки возникновения денег.docx