Файл: Iii триместр і модуль Клік жне логистика лексикалы таырып.docx
ВУЗ: Не указан
Категория: Не указан
Дисциплина: Не указана
Добавлен: 26.03.2024
Просмотров: 60
Скачиваний: 0
ВНИМАНИЕ! Если данный файл нарушает Ваши авторские права, то обязательно сообщите нам.
Қазақстан аэроұтқыр әскері. Қазақстанның геосаяси жағдайы үлкен өзгерiстерге (экстремизм, шекараға таяу жерлерде әскери қақтығыстардың өршуi, жаңадан ядролық мемлекеттер пайда болуы, т.б.) ұшырауда.
2007 жылғы 21 наурызда ҚР Президентінің №299 Жарлығымен мемлекеттің әскери қауіпсіздігін қамтамасыз етуге, соғыстар мен қарулы жанжалдарды болдырмауға, Қарулы Күштерді, басқа да әскерлер мен әскери құралымдарды дамыту мен қолдануға негіз қалаушы көзқарастар жүйесін білдіретін ҚР-ның жаңа Әскери доктринасы бекітілген болатын.
Әскери доктрина Қазақстан Республикасы Конституциясының негізгі ережелерін, Мемлекет басшысы жарлықтарының талаптарын, Қазақстанның 2030 жылға дейінгі даму стратегиясын, Ұлттық қауіпсіздік стратегиясын, ҚР-ның заңнамалық және өзге де нормативтік құқықтық актілерін, сондай-ақ Қазақстан қатысушысы болып табылатын халықаралық шарттарды нақтылайды.
Әскери доктрина қорғаныстық сипатта, ол ұлттық мүдделерді қорғауды, елдің әскери қауіпсіздігіне кепілдік беруді батыл шеше отырып, ҚР-ның бейбітшілікке бейілділігін айқындайды, асимметриялық қатерлерге: терроризмге, экстремизмге, есірткі тасымалына, қаруды заңсыз таратуға, заңсыз көші-қонға қарсы күресті ескере отырып, Қарулы Күштерді, басқа да әскерлер мен әскери құралымдарды дамыту шарттары мен жаңа бағыттарын нақтылайды.
Әскери доктрина ережелерін іске асыру әскери басқару жүйесін одан әрі жетілдіру, өзара байланысты саяси, дипломатиялық, экономикалық, әлеуметтік, ақпараттық, құқықтық, әскери және Қазақстанның әскери қауіпсіздігін қамтамасыз етуге бағытталған басқа да шаралар кешенін жүргізу есебінен қамтамасыз етілетін болады.
АЙТЫЛЫМ
3-тапсырма. Топпен талқылаңыздар:
1. Қарулы күштердің маңызы жайлы ой-пікірлеріңізді ортаға салыңыз.
ЖАЗЫЛЫМ
4-тапсырма. Кесетені соңғы мәліметтермен жаңалаңыз.
ҚАЗАҚСТАН РЕСПУБЛИКАСЫ ҚАРУЛЫ КҮШТЕРІ
| Қазақстанқарулы күштері | |
 Қазақстанның Қарулы күштерінің рәмізі | |
| Құрылғаны | 1992 |
| Күштер тараулары | Құрлық күштері Әуе қорғанысы күштері Әскери-теңіз күштері Аэроұтқыр әскерлері Ракета әскерлері мен артиллериясы Арнайы әскерлер |
| Басшылық | |
| Жоғарғы Бас Қолбасшысы | Нұрсұлтан Назарбаев |
| Қорғаныс министрі | Иманғали Тасмағамбетов |
| Штаб бастықтары комитетінің төрағасы | Мұхтар Алтынбаев |
| Әскери қызметі | |
| Әскери қызмет жасы | 18 |
| Әскери қызметке шақыруы | 12 ай (ең кемінде) |
| Әскери қызметке қатынаулылар | 3,758,255ер, жасы15–49 (2005сараптама),3,822,845әйел, жасы15–49 (2005сараптама) |
| Әскери қызметке жарайтындар | 2,473,529ер, жасы15–49 (2005сараптама.),3,168,048әйел, жасы15–49 (2005сараптама.) |
| Шақыруға жасы жеткендер,жыл сайын | 173,129 ер (2005сараптама.), 168,697әйел (2005сараптама.) |
| Шығындары | |
| Бюджеті | 1 498 999 781 (FY01) |
| ЖІӨ пайызы | 3.5% (2010 сараптама.) |
| Қатысты баптар | |
| Дәрежелер | 1 |
№1 СӨЖ тапсырмасы:
1. «Қазақстанның қарулы күштері» тақырыбына презентация дайындаңыз.
Презентация дайындауға қойылатын талаптар:
Презентацияныдайындауда интернет көздерін пайдаланыңыз.
Презентация 10-15 слайдтан тұруы қажет, слайдтар міндетті түрде суретті болуы керек.
Презентацияны бағалауда тақырыпты қорғау (қазақ тілінде қорғап, қойылған сұрақтарды түсініп, оларға дұрыс және толық жауап беру) тақырыптың ашылуы, сауаттылығы, эстетикалық ресімделуі ескеріледі.
2-сабақ
Республика Ұланы. Ұландықтардың әскери міндеті
ТЫҢДАЛЫМ
1-тапсырма. Төменде берілгенсөздермен (сөз тіркестерімен) сөйлем құрастырыңыз.
Ішкі әскерлер – Внутренние войска
Қазақстан Республикасы Президентінің Жарлығы – Указ Президента Республики Казахстан
Қазақстан Республикасының Республикалық ұланы - Республиканская гвардия Республики Казахстан
мемлекеттік және қоғамдық қауіпсіздік – государственная и общественная безопасность
төтенше жағдай режімі – режим чрезвычайной ситуации
Қазақстан Республикасы республикалық ұланының алғаш қолбасшысы – Первый командующий Республиканской гвардией Республики Казахстан
Қазақстан Республикасының Қарулы Күштері – Вооруженные Силы Республики Казахстан
күзетілетін тұлғалардың қауіпсіздігін қамтамасыз ету – обеспечение безопасности охраняемых лиц
аса маңызды мемлекеттік объектілер – особо важные государственные объекты
ОҚЫЛЫМ
2- тапсырма. Мәтінді түсініп оқыңыз
1992 жылдың 16 наурызында ҚР Президентінің Жарлығымен Алматы облысы Қаскелең ауданы Красный Восток кентінде орналасқан Ішкі әскерлердің шұғыл мақсаттағы жеке бригадасы негізінде ҚР Республикалық ұланы құрылды.
1992 жылы Республикалық ұланға өз қызметіне байланысты мынадай міндеттер жүктелді: Республиканың мемлекеттік билік және басқармалардың жоғарғы органдарын, Президенттің, Вице-Президенттің, Парламент пен Үкімет басшыларының көлік құралдарын Республика аумағында және сырт жерлерде күзету; ҚР Мемлекеттік туы мен Мемлекеттік елтаңбасының эталондарын күзету; шетел мемлекет басшыларын күтіп алу, шығарып салу кезінде, ҚР мейрамдары мен салтанаттарында жоралғылық рәсімдерді орындау; мемлекеттік және қоғамдық қауіпсіздікке әсер ететін құқық тәртібін бұзушыларды тоқтату; ҚР аумағындағы конституцияға қарсы сипаттағы қарулы және басқа да әрекеттерді тоқтату; ҚР заңдарында көзделген тәртіпте төтенше жағдай режімі кезіндегі іс-шараларды жүзеге асыру.
1992 жылдың 14 қазанында ҚР республикалық ұланының алғаш қолбасшысы болып Сейілбек Алтынбекұлы Алтынбеков тағайындалды. 1993 жылдың 21 шілдесінен 1995 жылдың 9 қазанына дейін генерал-майор Төлеген Әнуарбекұлы Үмбетбаев Қазақстан Республикасы Республикалық ұланының қолбасшысы міндетін атқарды. 1997 жылдың 3 наурызынан 1999 жылдың 9 желтоқсанына дейін генерал-лейтенант Сәт Бесімбайұлы Токпақбаев Қазақстан Республикасы Республикалық ұланының қолбасшысы міндетін атқарды. 2001 жылдың 14 наурызынан 2001 жылғы 31 қаңтарға дейін генерал-майор Болат Бақытжанұлы Жанасаев Қазақстан Республикасының Республикалық ұланының қолбасшысы міндетін атқарды. 1999 жылдың 14 желтоқсанынан 2000 жылдың 19 желтоқсанына дейін және 2002 жылдың 31 қаңтарынан 2006 жылдың қаңтарына дейін генерал-майор Болат Ғазизұлы Ысқақов ҚР Республикалық ұланының қолбасшысы міндетін атқарды. 2006 жылдың 23 қаңтарынан бастап Абай Бөлекбайұлы Тасболатов ҚР Республикалық ұланының қолбасшысы.
1995 жылдың 5 желтоқсанда ҚР Президенті Заң күші бар "Респуликалық ұлан туралы" Жарлыққа қол қойды. Онда Республикалық ұланның тікелей ҚР Президентіне бағынатыны және ҚР-ның Қарулы Күштер құрамына кірмейтіні айқындалды. Республикалық ұлан Елбасы және басқа да күзетілетін тұлғалардың қауіпсіздігін қамтамасыз етеді, жоралғылық рәсімдерге қатысады, тізбесін ҚР-ның Президенті бекітетін аса маңызды объектілерді, ғимараттар мен қызметтік үй-жайларды күзетеді.
1992 жылы 16 наурызда ҚР Президентіне бағынатын жеке әскери құрама және Қарулы Күштердің резерві ретінде құрылды. ҚР Президентінің 2001 ж. 25 маусымдағы Жарлығымен Республикалық ұланның ұйымдық құрылымынан жеке рәсімдік батальон мен жеке оқу батальоны шығарылды. ҚР 2004 ж. 8 қаңтардағы Заңымен ҚР Республикалық ұланның мәртебесі және оның міндеттері белгіленді. ҚР Президентінің Республикалық ұланы — ҚР Президентіне тікелей бағынатын және есеп беретін, ҚР ұлттық қауіпсіздіғін қамтамасыз ететін күштерге жататын және осы Заңмен белгіленген құзірет шегінде күзетілетін адамдар мен объектілердің қауіпсізідігін қамтамасыз ету жөніндегі күзет іс-шараларын жүзеге асыратын арнаулы мемлекеттік орган. Республикалық ұлан әскери құрама болып табылады.
ҚР Республикалық ұланына мынадай негізгі міндеттер жүктелді: ҚР Презңдентінің Күзет қызметімен өзара іс-қимыл жасай отырып, ҚР Мемлекет басшысының, экс-президенттері мен олардың отбасыларының және ҚР Президенті бекіткен тізбе бойынша мемлекетгің лауазымды адамдарының, сондай-ақ шет елдердің мемлекет, үкімет басшылары және халықаралық үйымдар басшылары ҚР аумағыңда болған кезеңінде олардың қауіпсіздігін қамтамасыз ету; тізбесін ҚР Президенті айқындайтын аса маңызды мемлекеттік объектілерді, сондай-ақ күзетілетін тұлғалардың болуы үшін бөлінген үйлерді, құрылыстарды, ғимараттар мен оған іргелес жатқан аумақтар мен су айдындарын, әуе кемелерін, жер бетіндегі көлікті және су көлігін, олардың тұрған жерлерін күзету; өз құзіреті шегінде терроризмге қарсы операдияларға қатысу; ҚР Мемлекетгік туы мен ҚР Мемлекеттік елтаңбасының эталондарын күзету; хаттамалық іс-шараларды өткізу кезінде ҚР мерекелері мен салтанаттарында дәстүрлік рәсімдердің атқарылуына қатысу; әскери және төтенше жағдай режимі кезінде ҚР заңдарында көзделген тәртіппен іс-шараларды жүзеге асыру жүктелді.
ҚР Президентінің 2004 ж. 28 тамыздағы Жарлығымен ҚР Республикалық ұланы туралы жаңа ереже бекітілді. Республикалық ұланы - ҚР Президентіне тікелей бағынатын және есеп беретін, әскери құрама болып табылатын, ҚР ұлттық қауіпсіздігін қамтамасыз ететін күштерге жататын және қызметін "Қазақстан Республикасының Республикалық ұланы туралы" ҚР Заңына сәйкес жүзеге асыратын арнаулы мемлекеттік орган. ҚР Президенті Республикалық ұланының негізгі міндеттері күзетілетін адамдардың қауіпсіздігін қамтамасыз етуге қатысу; рәсімдік жоралғыларды атқаруға қатысу; тізбесін ҚР Президенті айқындайтын аса маңызды мемлекеттік объектілерді, сондай-ақ ғимараттарды, құрылыстарды және қызметтік үй жайларды күзету; ҚР Мемлекеттік туының және ҚР Мемлекеттік елтаңбасының эталондарын күзету; соғыс және төтенше жағдай режимі жағдайында ҚР заңнамасында көзделген іс-шараларды жүзеге асыру; ҚР Президенті белгілеген өзге де міндеттер болып табылады.
АЙТЫЛЫМ
3-тапсырма. Топпен талқылаңыздар:
1. Қазақстан Республикасының Республикалық ұланының құрамында кімдер қызмет ете алады?
2. Қазақстан Республикасының Республикалық ұланының негізгі міндеті қандай?
ЖАЗЫЛЫМ
4-тапсырма. Мәтін мазмұнын ашатындай 5-6 сұрақ құрастырыңыз.
№2 СӨЖ тапсырмасы:
1. Қазақстан Республикасының Республикалық ұланы туралы реферат дайындаңыз.
3-сабақ
Әлеуметтік-саяси, ресми салалардағы қатысымға негізделген мәтіндердің берілуі. Монолог, диалог түріндегі ақпарат
ТЫҢДАЛЫМ
1-тапсырма. Төменде берілгенсөздермен (сөз тіркестерімен) сөйлем құрастырыңыз.
Ұлттық Қауіпсіздік Комитеті – Комитет Национальной Безопасности
жеке адамның қауіпсіздігі – безопасность личности
қоғамның қауіпсіздігі – безопасность общества
мемлекеттің қауіпсіздігі – безопасность государства
саяси – политические
экономикалық құрылымдар – экономические структуры
құқықтық мемлекет – правовое государство
мемлекеттік шекара – государственная граница
ішкі істер – внутренних дел
ОҚЫЛЫМ
2- тапсырма. Мәтінді түсініп оқыңыз
Мемлекет дамуының алғы шарты – оның Ұлттық Қауіпсіздігін қамтамасыз ету. Демек, тәуелсіздік пен бостандық алу жеткіліксіз, оны табанды түрде қорғау қажет. Елдің қауіпсіздігін қорғау шараларын ҚР-дың Қарулы Күштері, Ұлттық қауіпсіздік органдары, ішкі істер органдары мен сыртқы барлау органдары, әскери және салық полициялары, ҚР-дың Президентін қорғау қызметі, салық және кеден қызметі, төтенше жағдайлар салдарын жою қызметі атқарады. Осы органдардың құрылымы мен қызметін реттей отырып, құқықтық базаны жетілдіріп, оын нығайту аса маңызды. Ұлттық қауіпсіздікті қамтамасыз ету мақсатында жыл сайын республикалық бюджеттен қомақты қаржы бөлінеді.
Қандай да бір мемлекеттің Ұлттық Қауіпсіздігі оның ұлттық мүдделерінің нақты және ықтимал қатерлерден қорғалуымен сипатталады. Ұлттық мүдде деген мемлекеттің тәуелсіздігі, аумақтық тұтастығы, оның шекарасына қол сұғылмауы және Конституцияның мызғымастығы. Ол 3 деңгейге бөлінеді: бірінші, мемлекеттік мүдде (мемлекет басқарудың тиімді жүйесі, аумақтық тұтастық, саяси тұрақтылық, елдің қорғаныс қабідеті және халықаралық ынтымақтастық мәселесі). Екінші, қоғам мүддесі (салтты сақтау, дәстүрді дәріптеу, рухани мәдениет, қоғамдық келісім, заң мен тәртіпті сақтау). Үшінші, жеке адам мүддесі (нақты бір адамның әлеуметтік-экономикалық, құқықтық және т.б. мәселелері).
1998 жылы 26 маусымда қабылданған «Қазақстан Республикасының Ұлттық Қауіпсіздігі туралы» Заңға сәйкес ҚР Ұлттық мүдделері деп мыналар танылады: адамның, азаматтың құқығы мен еркіндігін қамтамасыз ету; елде қоғамдық келісім мен саяси тұрақтылықты сақтау; халықтың игілігі үшін экономиканы дамыту; отансүйгіштік сезімді тәрбиелеу және ҚР халқының бірлігін нығайту; ҚР материалдық және рухани байлығын сақтап, молайта беру; президенттік ел басқару формасының мызғымастығы; мемлекеттік институттардың қызметін нығайтып, тиімділігін арттыру; Қарулы Күштердің, ҚР-дағы әскерлер мен әскери құрылымдардың жарақталуын және олардың ұрыс қабілетін қамтамасыз ету; заңды мүлтіксіз орындау және тәртіп сақтау; халықаралық ынтымақтастықты нығайтып отыру. «Жас Алаш» газетінен.
