Файл: алыптастырушы баалауа арналан тапсырмалар жинаы аза дебиеті (оыту аза тілінде).docx

ВУЗ: Не указан

Категория: Не указан

Дисциплина: Не указана

Добавлен: 27.04.2024

Просмотров: 42

Скачиваний: 0

ВНИМАНИЕ! Если данный файл нарушает Ваши авторские права, то обязательно сообщите нам.



Қалыптастырушы бағалауға арналған

тапсырмалар жинағы
Қазақ әдебиеті

(оқыту қазақ тілінде)
7-сынып

Құрметті мұғалім!

Аталған тапсырмалар жинағы білім беру мазмұнын жаңарту аясында мұғалімдерге көмек құралы ретінде құрастырылды. Бұл мұғалімдердің ұжымдық жұмысының нәтижесі. Бағалау критерийлері мен дескрипторлары бар тапсырмалар қалыптастырушы бағалауды өткізуге, сабақты жоспарлауға, ұқсас тапсырмаларды құрастыруға және іріктеп алуға, оқу мақсатына жетуге қатысты сындарлы кері байланыс беруге көмектесетін үлгі болып табылады.

Жинақтың ұсынылған сипаты сізге білім алушының қажеттілігі мен мүмкіндігін есепке ала отырып, тапсырмаларға толықтырулар мен өзгерістер енгізуіңізге, бейімдеуіңізге мүмкіндік береді.

Қосымша материалдарды (нұсқаулықтар, таныстырылымдар, жоспарлар және т.б.), форумдағы талқылауларды және бейне нұсқауларды сіз «Назарбаев Зияткерлік мектептері» ДББҰ smk.edu.kz ресми сайтынан таба аласыз.

Жемісті жұмыс пен шығармашылық табыс тілейміз!

Жинақ негізгі мектеп мұғалімдеріне, әдіскерлерге, критериалды бағалау бойынша өңірлік және мектеп үйлестірушілеріне, басқа да мүдделі тұлғаларға арналған.

Жинақты дайындау барысында ресурстар (суреттер, мәтіндер, бейне және аудио материалдар, т.б.) қолжетімді ресми интернет-сайттардан алынды. Жинақ коммерциялық емес мақсатта құрастырылған.

МАЗМҰНЫ


1-тоқсан 4

2-тоқсан 22

3-тоқсан 37

4-тоқсан 57



1-тоқсан





Оқылатын шығарма

тақырыбы «Қыз Жібек» жыры


Оқу мақсаты


7.1.1.1 Әдеби шығарма сюжетінің құрамдас бөлшектерін талдау


Бағалау критерийі

Білім алушы

  • Шығарманы сюжетіне талдайды




Ойлау дағдыларының Жоғары деңгей дағдылары

деңгейі


Тапсырма

Топ ішінде «Әдеби шеңберге» қатысыңыз. Мына рөлдердің бірін таңдап, жыр бөлімдерін талқылаңыз. Дереккөз: Қыз Жібек. Лиро-эпостық поэма. – Алматы: Мектеп, 2006. («Жетінші сөз» сериясы)
1) Талқы себепшісі – жыр бойынша (кейіпкерлері, сюжеті, қарым-қатынасы, автор позициясы, т.б. бойынша) 5 сұрақ құрастырады.

2) Белгілеуші – жырдың қай бөлімі ең маңызды деп санайды, ойын дәлелдейді.

3) Байланыстырушы – оқиғалардың бірін өмірмен байланыстырады, дәлелдейді.

4) Қорытындылаушы – көтерілген мәселені қорытындылайды.


Дескриптор

Білім алушы




- рөлдік тапсырмаға қатысады;

- шығарма сюжетін анықтайды;

- жыр бөлімдерін талдайды.




Оқылатын шығарма

тақырыбы «Қыз Жібек» жыры


Оқу мақсаты


7.1.3.1 Көркем шығармадағы кейіпкерлердің типтерін жасалу тәсілдері тұрғысынан анықтау


Бағалау критерийі


Ойлау дағдыларының

деңгейі

Білім алушы

  • Кейіпкерлердің типтік ерекшелігін анықтайды

  • Кейіпкер бейнесін талдайды


Жоғары деңгей дағдылары








Тапсырма

Жырда Жібектің бейнесі қандай көркемдегіш тәсілдер арқылы жасалған? Жібек бейнесін талдаңыз.
Қыз Жібектің дидары

Наурыздың ақша қарындай.

Ақ бетінің қызылы

Ақ тауықтың қанындай.

Екі беттің ажары

Жазғы түскен сағымдай.

Білегінің мүсіні

Айбалтаның сабындай.

***

Атқан оқтай жылысып,

Ор қояндай ығысып.

Қылаң етіп, қылт етіп,

Сылаң етіп, сылт етіп,

Мықындары былқылдап,

Тау суындай құлтылдап,

Сүмбіледей жылтылдап,

Буындары былқылдап,

Айдынды туған Қыз Жібек

Отауға қарап жөнелді.


Дескриптор

Білім алушы




  • жырдағы Жібек бейнесін сипаттаудағы ерекшелікті ажыратады;

  • кейіпкерді сипаттаудағы көркемдегіш тәсілді анықтайды.






Оқылатын шығарма

тақырыбы «Қыз Жібек» жыры





Оқу мақсаты


7.2.3.1 Шығармадағы көркемдегіш құралдардың (символ, синекдоха, қайталау түрлері: эпифора, анафора, аллитерация, ассонанс, риторикалық сұрақ) қолданысын талдау





Бағалау критерийі

Ойлау дағдыларының

деңгейі


Білім алушы

  • Шығармадағы көркемдегіш құралдарды анықтайды

  • Көркемдегіш құралдардың қолданылу ерекшелігін талдайды


Жоғары деңгей дағдылары














1-тапсырма





Берілген үзіндідегі символды табыңыз, анықтамасын беріңіз.

- Асу да асу бел, – деді,

Аса бір соққан жел, - деді,

Айналайын жеңеше-ау,

Бері таман кел, -деді.

Мен бір жауап айтайын,

Бұл сөзімді біл, -деді.

Басыңдағы сәукеле

Алып маған бер, - деді.

Ақыр ертең киемін,

Бүгін кешке киейін.

Жарасар ма екен, жеңеше-ау,

Өз көзіңмен көр, - деді.





Дескриптор


Білім алушы




- үзіндідегі символды табады;

- символдың анықтамасын анықтайды.


2-тапсырма

Шығарма мазмұнына сәйкес символдың қолданылу ерекшелігін талдаңыз.

______________________________________________________________________
Дескриптор Білім алушы

- символдың қолданылу ерекшелігін ажыратады;

- шығарманы мазмұнына қарай талдайды.


Оқылатын шығарма

тақырыбы «Қыз Жібек» жыры


Оқу мақсаты


7.3.4.1 Әдеби шығарманың эстетикалық құндылығы туралы шағын сыни шолу жазу



Бағалау критерийі

Ойлау дағдыларының

деңгейі


Білім алушы

  • Шығарманың эстетикалық құндылығын анықтайды

  • Сыни шолу жазады


Жоғары деңгей дағдылары







Тапсырма

«Қыз Жібек» жырында қоштасу, жоқтау, естірту, арыздасу сияқты салт өлеңдерінің қолданылуына өзіндік бағаңызды беріңіз. Жыр көркемдігіне сыни шолу жасаңыз.

__________________________________________________________________________________________________________________________________________________________





Дескриптор

Білім алушы




- жырдың эстетикалық құндылығын бағалайды;

- өзіндік сыни шолу жазады.




Оқылатын шығарма

тақырыбы «Қыз Жібек» жыры


Оқу мақсаты


7.2.4.1 Шығармадағы оқиға желісін өзіндік көзқарас тұрғысынан дамытып жазу


Бағалау критерийі


Ойлау дағдыларының

деңгейі

Білім алушы

  • Оқиға желісін дамытып жазады

  • Өзіндік көзқарасын білдіреді


Қолдану









Тапсырма

Базарбайдың Төлегенге теріс бата беруі туралы оқиғаға өзгерістер енгізіп, қайта жазыңыз.

Базарбай көп жұртына арыз қылып айтты:

– Ай, жарандар, менің мынау балам тілегімді бермей кетті, қайнына баратынын білгенің маған ұстап бер, - дейді. – Егер де біреуің қошемет қылып ерсең, мен тұзыма салып, теріс батамды беремін, - деді.

__________________________________________________________________________________________________________________________________________________________

Дескриптор

Білім алушы




- оқиға желісін қолданады;

- оқиғаны дамытып жазады;

- өзіндік көзқарасын білдіреді.




Оқылатын шығарма

тақырыбы Орхон-Енисей ескерткіштері «Күлтегін» жыры


Оқу мақсаты

7.1.2.1 Әдеби шығармадағы тұлғалық болмысты гуманистік тұрғыдан талдау


Бағалау критерийі

Ойлау дағдыларының

деңгейі


Білім алушы

  • Шығармадағы тұлғалық болмысты танытатын жолдарды анықтайды

  • Кейіпкер бейнесін гуманистік тұрғыдан талдайды


Жоғары деңгей дағдылары









1-тапсырма

Күлтегін мен оның ағасының елді ел қылу үшін жасаған әрекеттерін анықтаңыз.

__________________________________________________________________________________________________________________________________________________________


Дескриптор

Білім алушы




- Күлтегін мен оның ағасының ел үшін жасаған әрекеттерін анықтайды.


2-тапсырма

Күлтегіннің биік адамгершілік тұлғасын танытатын жолдарды анықтап, талдаңыз.

__________________________________________________________________________________________________________________________________________________________






Дескриптор

Білім алушы




- күлтегіннің адамгершілік тұлғасын танытатын жолдарды анықтайды;

- күлтегін бейнесін гуманистік тұрғыдан талдайды.



Оқылатын шығарма

тақырыбы Орхон-Енисей ескерткіштері «Күлтегін» жыры


Оқу мақсаты

7.2.1.1 Шығармадағы эпизодтар мен бейнелерді салғастыру


Бағалау критерийі


Ойлау дағдыларының

деңгейі

Білім алушы

  • Шығарма эпизодтарын талдайды

  • Кейіпкерлер бейнесін салыстырады


Қолдану









1-тапсырма


Шығармадағы эпизодтарды рет-ретімен жазып шығыңыз. Сізге қай эпизод ұнады? Неліктен?

__________________________________________________________________________________________________________________________________________________________



Дескриптор

Білім алушы




  • эпизодтарды ретімен жазады;

  • өзіне ұнаған эпизодты қолдана отырып, талдайды;

  • жырдағы Күлтегін бейнесін ажыратады.


2-тапсырма

Жырдағы Күлтегіннің 16 жастағы және 30-дан кейінгі бейнесін салыстырыңыз. Берілген үзінділерді, жыр мазмұнын қолданыңыз.


Он алтыда ағамның

Елі-жұртын көбейтті.

Алдындағы қағанның

Жерін әбден кеңейтті.

Соғдыларға аттанды,

Талқандадық, мақтандық.

...Бір кезде ол қонды атқа,

Баяғыдай қайратты,

Қос батырды жайратты.

Күлтегін – ел қанаты.

...Алып Шалшы боз мініп,

Жауын тоз-тоз, тоз қылып,

Шабуылға жұлқынды.








Дескриптор

Білім алушы




- күлтегіннің 16 жастағы және 30-дан кейінгі бейнесін салыстырады.



Оқылатын шығарма

тақырыбы Орхон-Енисей ескерткіштері «Күлтегін» жыры



Оқу мақсаты


7.3.1.1 Кейіпкерлердің іс-әрекеті мен автор берген портреттік мінездемені салыстырып, тарихи және көркемдік құндылығына баға беру


Бағалау критерийі
Ойлау дағдыларының

деңгейі

Білім алушы

  • Кейіпкерлердің іс-әрекеті мен автор берген портреттік мінездемені салыстырады

  • Шығарманың тарихи және көркемдік құндылығына баға береді


Жоғары деңгей дағдылары







1-тапсырма

Берілген портреттік мінездеме арқылы кейіпкердің іс-әрекеті туралы жазып, салыстырыңыз.

Портреттік мінездеме

Кейіпкердің іс-әрекеті

Күлтегін оттай лаулады,

Елдің дауын даулады.




Бозын мініп Күлтегін,

Алдаспанын сілтеді.

Тоғыз жауын түйреді,

Біразы оның күйреді.




... Отызға ол толған-ды.

Салмағы да сан батпан,

Бір кезде ол қонды атқа.

Баяғыдай қайратты,

Қос батырды жайратты.








Дескриптор


Білім алушы




  • портреттік мінездемені кейіпкердің іс-әрекетімен салыстырады.

2-тапсырма

Шығарманың тарихи және көркемдік құндылығы неде? Ойыңызды дәлелдермен көрсетіңіз.


А) Шығарманың тарихи құндылығын бағалауда берілген тірек сөздерді қолданыңыз.

Шынайы суреттелген, аса құнды, жыр-дастан, көне түркі, тасқа қашалған, тарихи шығарма, батырдың ерлігі, құлпытастағы жазулар.

Ә) Шығарманың көркемдік құндылығын бағалаңыз.

(ерекше сөз оралымдары, халық, ел атаулары, көне жер атаулары, көнерген сөздер, т.б.)