Файл: Fi'li'aly Atyray' oblysy boi'yns'a pedagogi'kalyq qyzmetkerlerdin'.docx

---

Мазмұны

???? Ұлттықидеология????
Абулхайрова Г.Е. «Мәңгілік ел» ұлттық идеясы негізінде патриоттық тәрбие мәселелері.			3
Ермагамбетова А.К. Инициативы президента приведут к позитивным переменам.			5
???? Латынәліпбиінекөшу-жаңғырунегізі????
Торебекова Э.А. Қазақ тілі әліпбиін латын графикасына көшіру жағдайында білім беру үдерісін ұйымдастыру.			7
	Қаленова Г.С. Латын әліпбиі- ұлттық санамыздың жаңғыруына бастар жолы.	9
???? Жаңашаоқыту-жаңашакөзқарас ????
Ермекбаева Л.Ж. Жаңартылған білім беру мазмұны аясында тиімді оқыту әдістерін ұйымдастыру жолдары			11
Имашева А.А. Білім алушылардың оқу жетістігі нәтижелерін бағалау жүйесінің педагогикалық ерекшеліктері.			13
Керейтбай М. И. Жаңартылған білім беру аясында физика пәнін оқытудың ерекшеліктері			17
???? Әдістемелікқоржынға ????
Акбейсова С.А. Бастауыш сынып оқушыларымен сабақ үстiнде тәрбие жұмысын жүргізу жолдары.			22
Нұрғалиева А.Т. Шығармашылық жұмыс - ізденімпаздықтың кілті.			24
Мустафина А.Я. Использование инновационных методов преподавания на уроках литературы.			27
Бижанова А.С. Биология сабақтарында оқушылардың функционалдық сауаттылығын дамыту.			30
Сатыбалдиева Э. Т. Использование игровых методов и приемов обучения на уроках русского языка и литературы.			32
Жалелов Е.Н. Халықтық педагогика тәсілдерін салауатты өмір салтын қалыптастыру барысында дене шынықтыру сабақтарында пайдалану.			35
Губайдуллина Г.М. Внедрение игровых технологий на уроках английского языка.			37
Сисенгалиева Г.В. Дидактическая игра как средство формирования логических универсальных учебных действий.			39
???? Ұрпақтәрбиесі-ұлтболашағы????
Қарамурзин А.Қ. Ұрпақ тәрбиесінің бастауы – отбасынан.			42
Әлім Г. Ә. Мектеп жасына дейінгі баланың тұлғалық дамуындағы жанұялық қарым- қатынастың маңызы.			45
Есенбаева А.К. Әлеуметтік тәрбиедегі рухани – адамгершілік құндылықтар			48
Кадашаева С.С. Бастауыш сынып оқушыларының шығармашылық жазба тілін дамыту жолдары			50
???? Педагогтікзерттеулер????
Даулбаев М.О. Өлеңі өміршең ақын - Марат Отаралиев.			53
Куракбаева К. К. Жалынды жастар – жарқын болашақ.			55
Сәбитова А. С. Өшпесін ұстаз есімі.			57
???? Сабақжоспарлары, сценарийлер????
Тлепова Г. Е. Оқу үшін бағалауда тиімді стратегияларды қолдану.			60
Салиева А.О. Дыбыстар әлемі несімен ұнайды? Дыбыс.			63
Бекешева Г.Б. Кестеден тыс көбейту және бөлу.			65
Канатбаева Г. С. Атырау, ты в моем сердце!			70
Урымбаева А.Д. Қыс қызығы.			73
????Ыстықлебіздер????
Жундибаева Б.И. Ұстаз ұлағаты.			77
Турганова Б.К. Ермуканбетова Г.И. Шойынбаева Қ.А. Кәсіби өсу. Курстан кейінгі ойлар.			78

---

2



????Ұлттық идеология ????

---

«МӘҢГІЛІК ЕЛ» ҰЛТТЫҚ ИДЕЯСЫ НЕГІЗІНДЕ ПАТРИОТТЫҚ ТӘРБИЕ МӘСЕЛЕЛЕРІ

Абулхайрова Г.Е.

«Өрлеу»БАҰО»АҚ филиалыАқтөбе облысы филиалы ПҚБАИкафедраныңағаоқытушысы
Елбасы Н.Ә.Назарбаев ұсынған Мәңгілік Ел идеясының бүгінде ұлттық идеологиямыздың негізгі өзегіне айналып, қоғамның бірігуімен елдің саяси санасын қалыптастыра отырып, жаңғыртудағы орны ерекше. «Қазақтың мәңгілік ғұмыры ұрпақтың мәңгілік болашағын баянды етуге арналады. Ендігі ұрпақ-мәңгілік қазақтың перзенті. Ендеше, қазақ елінің ұлттық идеясы -Мәңгілік ел», - деді Елбасы.

Н.Ә.Назарбаев өз тәуелсіздігімізді көздің қарашығындай сақтау арқылы Мәңгілік ел бола алатынымызды атап өтті. «Мәңгілік ел» идеясын айшықтауға Ұлт көшбасшысының Ұлытау төріндегі сұхбаты негіз болды. Сұхбат барысында қазіргі заманның ерекшеліктері мен ұлтымыздың бүгінгі көкейтесті мәселелерін тізбектей келе, Елбасы: «Біздің елдігіміз, қазақ жұртының арғы түбі ғұндардан басталады. Ғұндардан кейін түріктерге жалғасады. Одан кейін Алтын Орда орнығады. Сөйтіп, хандық дәуірге ұласып, біртіндеп Тәуелсіздікке барып тіреледі. Осындай үлкен тарихымыз бар. Жастарымыз мұны білуі керек. Біз кеше ғана пайда болған халық емеспіз»,-деп тұжырымдаған болатын. Халық қаһарманы Бауыржан Момышұлының ұлы, жазушы Бақытжан Момышұлы “нағыз патриоттар өзінен бұрын Отанының қамын көбірек ойлайды. Шынайы патриот қазақ ата жұртының мәңгі тәуелсіз өмір сүріп, гүлдене беруі үшін өзінің саналы өмірін сарп етуге даяр адамдар” деп дәріптейді. Ол Қазақстанның бүгінгі территориясының сақталып қалуына, халқының ел болып ұйып отыруына, ежелгі дәуірден бері қарай үлес қосып келе жатқандарды нағыз патриоттар дей келе, “патриоттары көбеймеген халық елдігінен айырылады және

---

елдігін сақтап қала алмайды”,–деп түйіндейді. Бақытжан Момышұлы патриоттық сезім “адамдарға генетика арқылы беріліп, ойына мықтап орнығады. Алайда оған күтім мен қамқорлық, ұдайы шыңдап отыратын тәлімгерлік те қажет”,–дейді. Ол ерлік, рух, ұлттық намыс арасындағы тығыз байланысты: “меніңше, ұлттық намыс болмаса, ұлт батырлары да болмайды. Сонымен қатар ол, ең алдымен, елінің патриоты атанбаса, батыры да емес. Демек, ұлтына деген құрмет патриотизмнің ажырамас бөлігі. Отаны мен халқына деген сүйіспеншілік жоқ жерде патриотизм тумайды. Егер тура мағынасында айтсам, патриотизм–адамды өзінің арғы тегімен жалғастырып жататын арқауы мықты қасиетті жіп”,–деп белгілейді.“Қазақстандық патриотизм” деген ұғымды–педагогика ғылымдарының докторы, профессор А.Құсайынов: “Қазақ елін шексіз сүю деп түсінемін”,–дей келе,“Отан сүю”сезімі– халқының келешегі үшін күресумен, ол үшін аянбай еңбек етумен етене қабысып жатқан сезім, Қазақстанның келешегі үшін ақ жүрек, адал ниетпен қандай салада болмасын өз шама-шарқы келгенше аянбай еңбек етуді мен Қазақстандық патриотизмнің бүгінгі шынайы көрінісі дер едім”,– дейді.

Патриотизм туралы идеяларды кезінде өздерінің шығармаларында қазақ даласының ойшылдары Әбу-Насыр әл-Фараби, Хас Хажиб Баласағұн, Махмұд Қашқари, жыршы- жыраулары Асан қайғы, Доспамбет жырау Қалқаманұлы, Махамбет Өтемісұлы айтқан болатын. Аталған ғұламалардың еңбектері еліміздің егемендік алуымен байланысты педагогикалық тұрғыда зерттеліп, бір жүйеге келтірілді. Өз ұлтына деген патриоттық сезімді қазақ ағартушылары Ш.Уәлиханов, Ы.Алтынсарин, А.Құнанбаев шығармаларынан да байқауға болады. Абай өз қызметін Отан мен халық алдындағы борышым деп түсінді.

---